“Azərpoçt” məktəblilər üçün Beynəlxalq yazı müsabiqəsini ELAN edir

Ümumdünya Poçt İttifaqı (ÜPİ) tərəfindən təşkil olunan 55-ci Beynəlxalq yazı müsabiqəsinə start verilib. Azərbaycanda müsabiqənin rəsmi təmsilçisi və təşkilatçısı “Azərpoçt” MMC-dir.

Bu ilin mövzusu: “Rəqəmsal dünyada insan əlaqələri nə dərəcədə əhəmiyyətlidir?”
Mövzu rəqəmsallaşma fonunda insani ünsiyyətin və emosional bağların əhəmiyyətini ön plana çəkməyə yönəlib.

İştirak qaydaları:

• Müsabiqədə 9–15 yaş arası məktəblilər iştirak edə bilər;
• Yazı maksimum 800 söz həcmində olmalı və əl yazısı ilə ingilis dilində yazılmalıdır;
• Yazı başlıq, salamlama, əsas mətn və yekun hissədən ibarət olmalıdır;
• Yazının sonunda imza hissəsi (ad, soyad, ata adı və əlaqə nömrəsi) qeyd olunmalıdır;
• Süni intellektdən istifadəyə icazə verilmir və bu, müvafiq qaydada yoxlanılır;
• Yazı ilə yanaşı iştirakçının yüksək keyfiyyətli fotosu (5x7 ölçüsündə çap şəklində) təqdim edilməlidir;
• 20 aprel 2026-cı il yazının son göndərilmə tarixidir.

Yazılar “Azərpoçt” MMC-nin Üzeyir Hacıbəyli küçəsi 72 ünvanında yerləşən İctimaiyyətlə əlaqələr şöbəsinə təqdim edilməlidir.
Əlaqə: [email protected]

Seçim prosesi:

Ölkədaxili mərhələ:

• Yazılar peşəkar müəllimlər tərəfindən qiymətləndirilir, ən yaxşı 3 iş seçilir.

1-ci yerin qalibi beynəlxalq mərhələdə Azərbaycanı təmsil edir. Digər qaliblər və iştirakçılar hədiyyə və sertifikatlarla təltif olunur.

Beynəlxalq mərhələ:
Ölkələrdən seçilmiş namizədlər beynəlxalq münsiflər heyəti tərəfindən qiymətləndirilir. 1, 2 və 3-cü yerlərin sahibləri qızıl, gümüş və bürünc medallarla mükafatlandırılır. Qalibə beynəlxalq tədbirdə iştirak imkanı yaradılır.